Anaid Kaloti, ish-fituesi i “Big Brother” i cili shpesh herë është komentuar në lidhje me deklaratat e tij për banorët e BBV ka thënë së fundmi që shtëpia ka qenë si një “psikiatri”.
Ai ka rrëfyer eksperiencën e të qenurit banor i një reality show, teksa ka thënë se ka hasur vështirësi jo vetëm brenda shtëpisë, por edhe pas daljes nga programi.
Sipas tij, atij iu deshën gati dy vite për të marrë veten nga i gjithë presioni që përjetoi, ndërsa e krahasoi shtëpinë e BB si një psikiatri të vogël.
“Shtëpia e “Big Brother” është një psikiatri e vogël. Trysnia vazhdon edhe pasi del nga shtëpia. “Big Brother” nuk mbaron pasi përfundon spektakli, por vazhdon gjatë, madje çfarë kam njohur nga banorët që kanë dalë së fundmi, u them se pas dy viteve do ta merrni veten.”- u shpreh Anaidi.
