Me tone të ashpra, kryetari i Partisë Demokratike Lulzim Basha ka folur nga takimi me demokratët në Rrogozhinë gjatë prezantimit të kandidatit për kryetar të Bashkisë, Ferdinand Saraçi.
Basha tha se është i vendosur në luftën kundër korrupsionit, duke u shprehur se “hap pas hapi” do të përballet me regjimin deri në ballafaqimin e tyre me ligjin.
“Jemi të qartë, jemi të vendosur me njerëz të papërkulshëm si Ferdinand Saraçi për Rrogozhinën. Ditë pas dite do të shkojmë përpara deri në ditën e këtij regjimi që nuk ka asgjë të përbashkët me shqiptarët.
Deri në ditën kur jo vetëm t’i largojmë por t’i çojmë para ligjit duke i dhënë fund 30 viteve pandëshkueshmëri politikanëve të korruptuar dhe krimit të organizuar, dhe ajo do të jetë dita kur Shqipëria t’i takojë shqiptarëve dhe Rrogozhina banorëve të saj”, deklaroi Basha.
