Vitet e fundit moda është bërë pak e ndërlikuar, pasi çdo muaj janë në trend shumë lloje modelesh apo veshjesh. Gjithsecili zgjedh atë që i shkon më shumë dhe rrallë herë shkon me rrymën drejt risive. Por, duke qenë se ka hyrë stina e vjeshtës ne kemi vendosur të tregojmë pantallonat që pamë më shumë në pasarelat e ndryshme.
Tani kjo është një zgjedhje e vështirë. Po flasim për një artikull të gardërobës nga i cili nuk do të heqim dorë për asgjë në botë. Me ta ne ndihemi gjithmonë të qetë, të relaksuar, rehat dhe mbi të gjitha elegant. Për të rifreskuar kujtesën e të gjitha ndryshimeve për sezonin e ardhshëm, ne kemi vendosur të përgatisim një përzgjedhje me disa modele speciale nga pasarelat.
