Më shumë se 700 persona janë arrestuar në Rusi të cilët u ngritën në protestë kundër luftës me Ukrainën.
Demonstratat ishin organizuar në 40 vende të ndryshme, duke përfshirë në kryeqytet, Moskë.
“Më shumë se 735 persona janë arrestuar në 40 qytete, 330 vetëm në Moskë, shkruan The Times of Izrael.
Policia ruse u kërkon protestuesve të largohen nga Sheshi Pushkinskaya në Moskë, duke thënë me altoparlantë se protesta është e paautorizuar.
Autoritetet ruse të enjten paralajmëruan qytetarët se pjesëmarrja në protestat kundër luftës mund të çojë në ndjekje penale dhe akuza penale.
Nderkohe një zëdhënës i ministrisë së mbrojtjes së Rusisë thotë se ushtria e vendit ka arritur qëllimet që kishte vendosur për ditën e parë të pushtimit të Ukrainës. “Të gjitha detyrat që iu caktuan grupeve të trupave të Forcave të Armatosura të Federatës Ruse për atë ditë u kryen me sukses,” tha Igor Konashenkov.
