Gjyqtarja Enkeleda Kapedani ka nisur karrierën e saj në vitin 2013 ku u dekretua si gjyqtare pranë Gjykatës së Rrethit Gjyqësor Tiranë dhe më pas në vitin 2015 si gjyqtare pranë Gjykatës së Rrethit Gjyqësor Elbasan.
Nga të dhënat e marra në rrugë zyrtare rezulton se gjatë karrierës së saj profesionale nuk i është konstatuar asnjë shkelje në punën e saj. Ajo është përfolur shumë në media për lirim nga burgu të të fortit të bandës së Gaxhait, Viktor Ymeri për të cilin ka nisur verifikimi nga insitucionet përkatëse. Deri më sot nuk ka rezultuar që kjo dosje të jetë gjetur me shkelje.
Ndryshe nga sa flitet dhe përflitet se ajo ka liruar një të dënuar me burgim të përjetshëm, nga vendimi gjyqësor i publikuar në media rezulton se ajo i ka shuar këtij të dënuari vetëm 1 muaj e 23 ditë burgim, pasi burgimi i përjetshëm i është hequr më parë nga Gjykata e Apelit Durrës.
A ka hetuar njeri para se të publikoj dhe ti faturoj asaj vendime te gjyqtarëve të tjerë?
Së fundmi kjo gjyqtare u bë e njohur për shkak të publikimit të disa vidiove private të filmuara në zyrë apo në makinën e saj. Nga opinion mediatik dhe publik pati reagime të shumta, madje mbireagime. Lind pyetja pse? Kush kishte interes që kjo gjyqtare të largohej nga drejtimi i Gjykatës së Elbasanit? Kujt nuk po i hapte rrugë ajo për qëllimet e tyre të paligjshme? Mos vallë intitucionet e tjera ndihmëse si Prokurori, Polici etj, apo bota e krimit? A ka hetuar njëri lidhur me pyetjet që kjo gjyqtare ngriti para KLGJ në seancën e pezullimit të saj?
A ka hetuar njëri lidhur me cilësitë e saj si gjyqtare, si profesioniste para se ta etiketonin thjesht si një ish miss? Mos vallë është krim të marrësh pjesë në një konkurs bukurie? Mos vallë është krim që vajzat e bukura të jenë edhe gjyqtare, madje të përgatitura?
Apo shoqëria jonë paragjykuese nuk mund ti pranojë të dyja bashkë, e bukur dhe e përgatitur, përndryshe të “masakron”, të paragjykon, të godet, të shkatërron.
Lidhur me jetën e saj akademike nga deklarimi i bërë para KLGJ shprehet se:
“Gjyqtarja Enkeleda Kapedani per te cilen kerkohet pezullim nga detyra ushtron detyren e magjistratit prej 7 vitesh, asnjehere e konstatuar me shkelje, asnjehere e denoncuar apo e dyshuar per korrupsion gjate vendimarrjeve.
Ashtu siç edhe ju jeni në dijeni të dosjes time personale, cdo hallke te mesimnxenies e kam mbyllur me rezultate te larta si brenda dhe jashte Shqiperise. Mbas Kolegjit Turk ku u diplomova me mesatare 9.2, ndoqa në Skoci Kolegjin “Cardonald College” ku arrita nivelin Highers.
Më pas përfundova Fakultetin e Drejtësisë në Universitetin e Tiranës me mesatare 9.75, e me pas me te njejtat kuota mbylla studimet Master Shkencor në Departamentin e së Drejtës Civile në Fakultetin e Drejtësisë në Universitetin e Tiranës me mesatare 9.8.
Ne magjistrature , te nderuar, profesoret me ne ze te se drejtes bazuar ne kritere rigoroze dhe te forta, por edhe ne rezultatet e mia si magjistrate me renditen ne vend te dyte si një ndër studentet me të mira…” Pra na rezultoka që gjyqtarja Enkeleda Kapedani qënka një gjyqtare profesioniste dhe me jetë akademike të pasur, por që i vetmi krim që i paska bërë këtij vendi dhe kësaj shoqërie është bërja e disa vidiove të vetes së saj. Por çfarë e keqe i erdhi shtetit, shoqërisë, sistemit e më gjërë nga publikimi i tyre? Ku u cënua sistemi? Mos vallë gjyqtarët dhe prokurorët nuk janë qënie njërëzore apo jetojnë në ndonjë planet tjetër të shkëputur nga realiteti?
Lidhurm me anën e saj profesionale ajo ngre disa pyetje para KLGJ “Dua te ngre disa pyetje perpara se te vendosni.
A keni nje rezultat se cila ështëgjyqtarja Enkeleda Kapedani si gjyqtare, si profesioniste, çfarë vendimesh marr? Me cfare ngarkese perballem?Sa korrekte jam ne sallen e gjykates?
Si I trajtoj palet pjesëmarrëse nëproces, sa i respektoj afatin e dorëzimit të dosjeve, si e kam menaxhuar Gjykatën e Rrethit Gjyqësor Elbasan në cilësinë e zvnd/kryetare?
Cfarë urdhrash dhe vendimesh kam nxjerre në cilësinë e titullares së institucioni?
Si ka ndryshuar rregulli në gjykatë, si ka ndryshuar mënyra e menaxhimit të punës dhe çështjeve në tërësi, dhe pyetja më e madhe që ngre lidhur me këtë të fundit është: Kush ka mbetur i pakënaqur nga kjo mënyrë menaxhimi?”
E mësa duket gjithë kjo lukuni mediatike e dirigjuar nga instance të “tjera” duket ta ketë qëllimin gjetkë.
Qëllimi është që ajo të mos ishte në krye të Gjykatës së Elbasanit dhe ti hapej rruga “atyre” të cilëve jua kish mbyllur deri në atë moment. Prandaj ju duhet në krye të gjykatës një “kukull” e manovrueshme që nuk bën rezistencë.
Me siguri që ky mbireagim institucional, mediatik dhe popupplor kanë patur ndikim edhe në jetën e saj private dhe familjare.
Në fjalën e saj para KLGJ ajo shprehet:
“Gjithë kjo qe ka ndodhur vijon te jete nje tmerr personal, moral, psikologjik, shëndetësor dhe familjar për mua, bashkëjeuesin, prindërit, vëllain dhe fëmijët e mi. Pa e menduar dy herë, të gjithë me vendosen ne qender të nje gjyqi popullor, mediatik dhe moral duke më dhënë dënimin në“gijotinë”. Por pres prej jush nje trajtim professional, te pandikuar dhe te paanshem.”
Në fund një mesazh për insitucionet e drejtësisë e për KLGJ në veçanti, merruni me probleme më të rëndësishme që ka ky vend. Nuk vjen fundi i shtetit dhe as i sistemit të drejtësisë nga fustani i një gjyqtareje.
Në përfundim të fjalës së para KLGj ajo shprehet “Mos lejoni që ethet per “klikime” dhe bota e krimit të fitoje ndaj nje gjyqtareje qe i ka dhene jeten, madje ka vendosur punen mbi familjen. Mos lejoni qe te sakrifikohem per qellime te tjera…..”
