Një aksident i rëndë ka ndodhur në Radhimë, Vlorë mëngjesin e sotëm.
Mësohet se dy djem rreth moshës 30-vjeç janë plagosur rëndë teksa udhëtonin me makinën e tyre “Ford Focus” me targa AA581GV e cila ka dalë nga rruga dhe është përplasur me një shtyllë. Dy të rinjtë kanë mbetur të bllokuar në makinë dhe është dashur ndërhyjra e zjarrfikëses për t’i nxjerrë prej saj.
Ata janë transportuar me urgjencë në spital por njëri prej tyre është në gjendje kritike për jetën.
