”Ndihem keq nga publikimi i këtyre videove. U publikuan vetëm për të më prishur imazhin. Jam nënë e grua. Nuk jam krenare për ato video. Kërkoj ndjesë për cilindo që është ndjerë keq nga ato video”. ky është reagimi tjetër që vjen nga Kryetarja e gjykatës së Elbasanit, Enkeleda Kapedani, e cila bënte video për ”Tik-Tok”, duke e kthyer zyrën në një pasarelë.
Lidhur me publikimin e këtyre videove, ka reaguar edhe zyra e Inspektorit të Lartë të Drejtësisë, Artur Metani. Përmes një njoftimi ILD thotë se për magjistraten do të bëhet hetim disiplinor.
Më herët ajo ka thënë se nuk e di se kush i ka shpërndarë videot. ”Unë nuk kam Tik-Tok””.
