Lulzim Basha këtë të enjte është paraqitur në SPAK për të dëshmuar lidhur me dosjen e “Toyota Yaris”. Përveç tij, janë marrë në pyetje edhe 22 persona të tjerë në cilësinë e “dëshmitarit të drejtësisë”. Por, ajo që u vu re ishte nervozizmi i Bashës, kur doli nga Prokuroria e Posaçme kundër Krimit të Organizuar dhe Korrupsionit pak çaste më parë.
“Një gjë dua t’ju siguroj shqiptarëve kudo që ndodhen, unë dhe PD jo vetëm jemi në dispozicion të drejtësisë belge, por do vazhdojmë të jemi kundër korrupsionit duan apo nuk duan non-gratat e shpallur apo të pa shpallur. Unë kam lirinë time dhe nuk ma merr dot askush sepse unë luftoj edhe për lirinë tuaj. Nëse nuk ju pëlqen merreni kamerën dhe largohuni.”-ka thënë Basha pas marrjes në pyetje nga SPAK.
