Moderatorja Ori Nebijaj duket se është pranë një kapitulli të ri në jetën e saj, këtë herë si deputete në parlamentin e Shqipërisë.
Nebiaj kandidoi për Partinë Demokratike më 25 prill në qarkun e Tiranës, ku mori 5,606 vota preferenciale. Ajo u rendit e 18-ta në listën e PD-së në qarkun e Tiranës, por pas rirenditjes në bazë të votave preferenciale, u ngjit një vend më sipër.
Para saj në radhë ishte Petrit Doda, por me ndryshimet e fundit të Kodit Zgjedhor, mandatin e deputetes që lë një grua e merr po një grua.
E pyetur nga Panorama, ajo konfirmoi se do të pranojë mandatin e deputetes. Për momentin, është e paqartë se çfarë do të ndodhë me karrierën e saj televizive.
