Ministria e Mbrojtjes e Ukrainës u ka kërkuar nënave të ushtarëve rusë që të vijnë në kryeqytetin e Ukrainës, Kiev për të marrë djemtë e tyre të kapur rob gjatë pushtimit të vendit të tyre.
Teksa java e parë që kur Rusia po përpiqet të pushtojë Ukrainën po i afrohet fundit, ministria e mbrojtjes e Ukrainës ka nisur një përpjekje të dukshme për të turpëruar dhe vënë në siklet Rusinë për mënyrën se si po shkon pushtimi, duke u ofruar nënave ruse mundësinë të vijnë dhe t’i marrin djemtë e tyre për t’i çuar në shtëpi.
Ata thanë: “Është marrë një vendim për t’i dorëzuar trupat ruse nënave të tyre nëse vijnë për t’i marrë në Ukrainë, në Kiev”.
Ka pasur raporte, se ukrainasit u ofrojnë çaj dhe ushqim ushtarëve rusë që janë kapur ose dorëzuar. Po ashtu një video që qarkullon që lë të kuptohet se dikush lejohet të telefonojë me video nënën e tij për ta njoftuar se ai ishte gjallë dhe po kujdeseshin ukrainasit për të.
Zëvendëskryeministrja e Ukrainës Iryna Vereshchuk i ka kërkuar gjithashtu Kryqit të Kuq Ndërkombëtar që t’u japë ndihmë për të kthyer trupat e pajetë të ushtarëve rusë në atdheun e tyre.
Javën e kaluar ajo tha: “Ka mijëra trupa pushtuesish. Kjo është një nevojë humanitare. Ne kërkojmë që trupat e pushtuesve të largohen nga territori ukrainas dhe të shkojnë në Rusi. Ne u bëjmë thirrje rusëve përsëri që të mundësojnë që të ketë më pak trupa të djemve tuaj, të njerëzve tuaj, përndryshe do të ketë mijëra prej tyre”, raporton LadBible.
