Kreu i PD-së Sali Berisha në nisje të mbledhjes së Këshillit Kombëtar, tha se ky është një proces vendimtar për shpëtimin e PD-së.
“Ne mblidhemi në këtë takim, të rëndësishëm, për të zgjidhur forumin drejtues të PD, për 4 vitet që vijnë, për të zgjedhur kryesinë e kësaj partie.
Ky përbën një moment tepër të veçantë dhe shënon përfundimin me sukses të një procesi, të vazhdueshëm procedurash, kuvendesh, referendumesh të papara në këtë parti, unike në historinë e një force politike. Në thelb kishin lirinë e anëtarëve të kësaj force”, është shprehur Berisha.
Sipas tij, në këtë proces ia dolën që të jenë sot opozitë e vërtetë dhe më të fuqishëm dhe më të vendosur se kurrë.
