Aktori i humorit, Julian Deda ka reaguar në lidhje me zgjedhjet e pjesshme vendore të një dite më parë, të cilat i dhanë një “shuplakë” të fortë Lulzim Bashës.
Në një postim në rrjetet sociale, Deda shkruan se qëllimi i Lulzim Bashës ishte shkatërrimi i PD-se deri sa ajo të dalë parti e tretë dhe ja doli me sukses.
“Ky Luli, nuk di të fitoje zgjedhje apo nuk do? Përgjigja është: të dyja.
Që ai nuk di, as nuk diskutohet, por më e renda është se ai nuk do, nuk e ka dashur kurrë një gjë të tillë. Qëllimi i tij ishte shkatërrimi i PD-se deri sa ajo të dalë parti e tretë dhe ja doli me sukses.
Tashti vjen nje moment, që sado Lul të jesh nga trutë, reflekton dhe i thua vetes “po iki vetë më mirë, para se të legenosem fare”…!“-shkruan Julian Deda.
