Home AKTUALITET Kushërinjtë shqiptarë mbushin Anglinë me shtëpi bari, zbulohen papritur nga policia

Kushërinjtë shqiptarë mbushin Anglinë me shtëpi bari, zbulohen papritur nga policia

893
0

Dy shqiptarë që u ndaluan në makina në autostradën A38 që shkonte drejt Plymouth, Angli kanë pranuar se kanë prodhuar kanabis me vlerë dhjetëra mijëra paund. Kushërinjtë Fatmir Kurmekaj, 34 vjeç, nga High Wycombe dhe Fatjon Kurmekaj, 36 vjeç, nga The Crescent janë deklaruar të dy fajtorë për prodhimin e kanabisit të klasit B.

Kur policia i ndaloi shqiptarët gjeti disa grupe çelësash të disa pronave në Plymouth dy prej të cilave ishin konvertuar “në fabrika kanabisi”. Si rezultat i informacionit të mbledhur, oficerët nga Ekipi i Policisë Proaktive të Plymouth kryen bastisje në dy prona Kingsley Road në Mutley dhe Warleigh Avenue në Keyham. Në çdo pronë oficerët zbuluan plantacione kanabisi dhe një mashkull të vetmuar në secilën pronë. Emigranti shqiptar Teslim Muhmutag, i gjetur në pronën e Kingsley Road u burgos më vonë për shtatë muaj. Adrian Kurmekaj, i cili u gjet në shtrat, më herët ishte dënuar me 30 muaj burgim.

Prokurori Piers Northworthy tha se banesa ishte kthyer “në një fermë të sofistikuar” kanabisi, me pjesë të një dyshemeje dhe tavani midis dy banesave të çmontuar dhe një shkallë që i lidhte të dyja, për të lejuar që e gjithë hapësira e shtëpisë t’i dedikohej rritjes së bimëve.

Prokurori tha në një seancë të mëparshme se bazuar në vlerësimet e policisë, rendimenti me 109 bimë në adresën e Warleigh Avenue mund të prodhonte rreth 7 kg kanabis që mund të ketë një vlerë midis 24,000 dhe 35,000 £ me një mesatare prej 5,000 £ për kilogram. Hetimi i mëtejshëm zbuloi se më 3 korrik 2021 Adrian Kurmekaj i dërgoi një mesazh Fatjonit ku diskutohej më shumë për “18 kilogramë e gjysmë për të mërkurën“. Fatjoni i përgjigjej duke i thënë: “Po pi një birrë, mora 8 për ty nesër. Do të ketë pjesën tjetër edhe paratë”.

Gjykata dëgjoi se në muajt para arrestimit të tyre mes 1 majit dhe 26 gushtit, Teslim Muhmutag ka bërë tre telefonata me Adrian Kurmekajn dhe asnjë me Fatmirin dhe Fatjonin. Ndërkohë Adriani kishte bërë 738 telefonats me Fatmirin dhe Fatjonin në atë kohë. Prokurori i tha gjykatës se në adresën e Kingsley Road oficerët hynë me forcë dhe gjetën 158 bimë në pesë zona të veçanta të rritjes. Ai tha se rendimenti i mundshëm do të kishte qenë midis 16.43 kg dhe 21.17 kg me vlerë 82,160 £ në 5,000 £ për kilogram.

Prokurori më tej tha se kur Fatmiri u intervistua ai nuk kishte ‘çfarë të thoshte sepse nuk kishte vrarë njeri’. Ai mohoi çdo njohuri për fermat e kanabisit dhe nuk kishte asnjë përfshirje në krim. Ai tha se po udhëtonte për në Plymouth për të lënë një makinë, por nuk ishte në gjendje të jepte emrin e personit të cilit po i dorëzonte makinën. Ai gjithashtu fillimisht mohoi se Adrian Kurmekaj ishte kushëriri i tij dhe nuk mund të shpjegonte pse Adrian Kurmekaj kishte foto të tij në celularin e tij. Policia zbuloi se Fatmiri ka pasur kontakt me Adrianin 320 herë në periudhën maj-gusht 2021 dhe se ai ka qenë në kontakt me Fatjonin mbi 550 herë në të njëjtën periudhë.

Ai tha se Fatmiri ishte në kontakt me Adrianin një ditë para se të arrestohej dhe në BMW-në që po drejtonte iu gjet një faturë për 15 litra lëndë ushqyese bimore që kushtonte 430 £ nga një dyqan në Londër. Prokurori vuri në dukje se Fatjoni dha një deklaratë të përgatitur kur u intervistua nga policia, duke mohuar se ishte një tregtar droge.

Në gjykatë u tha se Fatmiri nuk kishte asnjë dënim të mëparshëm, ndërsa Fatjoni kishte një dënim për posedim kokaine në vitin 2015 për të cilin ai u dënua me 30 muaj burg dhe një dënim për posedim kanabisi në 2017 ku u dënua me 16 muaj burg.

Prokuroria tha se Fatmiri ashtu edhe Fatjoni kishin luajtur një rol udhëheqës pasi ata po drejtonin ose organizonin kultivimin e kanabisit në një “shkallë komerciale” dhe kështu siguroi një pikënisje prej 6-8 vitesh dënim. Avokati i Fatmirit pretendoi se klienti i saj, i cili u deklarua fajtor më 21 janar të këtij viti, po paguante vetëm faturat e brendshme të pronave, me paratë e siguruara nga një burrë tjetër, por të bëra në emër të Fatmirit. Si rezultat, avokati i tij tha se Fatmiri ishte shumë më poshtë zinxhirit komandues pasi ai nuk mori para ose përfitime nga operacioni, por atij iu dha qira akomodimi falas në Plymouth në rrugën Cumberland.

Gjykata dëgjoi se faturat e brendshme për atë pronë ishin paguar nga partnerja e Fatmirit, e cila në atë kohë ishte parukiere. Fatmiri u përshkrua si një shqiptar i cili kishte mbërritur në Britani në vitin 2018 dhe erdhi në Plymouth vetëm shtatë muaj para arrestimit të tij. Ai tha se prodhimi i kanabisit ishte duke u zhvilluar shumë kohë përpara se të vinte në Plymouth dhe nuk kishte asnjë provë për një mënyrë jetese luksoze apo komunikime që sugjeronin se ai ishte një organizator i operacionit.

Avokati i tij pranoi se ka pasur komunikim mes Adrianit, Fatmirit dhe Fatjonit, por ka pasur komunikime normale mes familjarëve dhe jo porosi nga operatorët e drogës. Ai tha në gjykatë se Fatmiri nuk ishte në dijeni të asaj që po ndodhte në dy pronat dhe nuk kishte marrë pjesë në asnjërën.

Gjykatësi Robert Linford bëri thirrje për një seancë dëgjimore me juri, që më pas një gjykatës të përcaktojë faktet e sakta mbi të cilat mund të jepet një dënim dhe se si prokuroria ashtu edhe mbrojtja do të duhet të japin deklaratat dhe dëshmitarët e duhur për të përcaktuar nivelin e përfshirjes që të dy burrat luajtën në prodhimin e kanabisit.

LEAVE A REPLY

Please enter your comment!
Please enter your name here