Gjatë ditës djeshme, autoritetet italiane arrestuan 11 shtetas shqiptarë të cilët aktualisht janë nën hetim për akuza të ndryshme, konkretisht për krime të konspiracionit, vjedhje të rënda dhe mashtrim.
Sipas mediave italiane nga 11 personat e përfshirë, 8 janë arrestuar fizikisht dhe 3 janë të pagjurmueshëm pasi dyshohet se janë kthyer në Shqipëri. Hetimet e nisura nga Skuadra e Perugias në nëntor 2021, pas rigjallërimit të krimeve në këtë krahinë, kanë mbledhur elemente serioze treguese për operacionin në këtë qytet të dy shoqatave të dallueshme kriminale me origjinë shqiptare ku e para përbëhej nga gjashtë persona dhe e dyta nga pesë, të cilët kryenin vjedhje në objektet tregtare apo shtëpitë private.
Hetimet u zhvilluan në territor me ndjekje dhe vëzhgime të drejtpërdrejta, por edhe me mbështetjen e aktiviteteve teknike, si monitorimi me GPS, kamera vëzhgimi, përgjimet telefonike dhe mjedisore që bënë të mundur marrjen e pista serioze kundër anëtarë të shoqatave të sipërpërmendura dhe të mund t’i konsiderojnë ata si autorë të një morie vjedhjesh të kryera prej tyre në këtë krahinë, ndërmjet nëntorit 2021 dhe marsit 2022.
Të ardhurat nga aktivitetet kriminale, të përbëra kryesisht nga bizhuteri, para, duhan, pulla, karta gërvishtëse, si dhe veshje të stilistëve mund të llogariten në një vlerë totale prej më shumë se 150,000 euro dhe të ardhurat nga shitja e tyre duket se tashmë janë transferuar në masë të madhe në Shqipëri.
Operacioni, i cili përfshiu provincat e Perugia, Caserta, Brescia, Trento dhe Udine, u krye nga Skuadra lokale, me mbështetjen e njësive të Skuadrës speciale territoriale si dhe Departamentit të Parandalimit të Krimit të Policisë Umbria / Marche dhe Campania të shteti.
