Një 48-vjeçar në Kavajë është shpallur në kërkim pasi ka tentuar të shtypë me makinë bashkëshorten e tij. Mësohet se kjo e fundit është e pajisur me urdhër mbrojtje por nuk dihet se çfarë e ka shtyrë 48-vjeçarin me iniciale R.M drejt një akti të tillë.
Njoftimi i policisë:
Specialistët për Hetimin e Krimeve në Komisariatin e Policisë Kavajë referuan materialet në Prokurori, si dhe po punojnë për kapjen e shtetasit R. M., 48 vjeç, pasi ka tentuar të dëmtojë gjatë drejtimit të automjetit, bashkëshorten e tij, e cila është e pajisur me urdhër mbrojtjeje. Materialet i kaluan Prokurorisë, për veprime të mëtejshme.
