Tre shqiptarë janë arrestuar nga policia në Britaninë e Madhe pasi akuzohen për kultivim kanabisi.
Të arrestuarit mësohet se janë Xhemal Derdi, 24 vjeç, Ismail Elezi, 26 vjeç dhe Alfred Alla, 21 vjeç.
Ata janë kapur me rreth 3 mijë rrënjë kanabisi të mbjellura. Të arrestuarit mësohet se kanë pranuar akuzat para gjykatës dhe janë dënuar secili me 39 muaj burg.
Policia e zbuloi fermën ku kultivohej kanabisi më 26 mars, duke e përshkruar atë si “kanabisi në shkallën më të madhe që ka rritur qarku”. Mësohet se droga kishte një vlerë prej 800 mijë paundësh.
