Home AKTUALITET Mesazhi i fortë i Yuri Kim/ “Sulmi dhe pushtimi i Ukrainës përbën...

Mesazhi i fortë i Yuri Kim/ “Sulmi dhe pushtimi i Ukrainës përbën një rrezik për të gjithë ne”

536
0

Ambasadorja e SHBA, Yuri Kim në takimin me përfaqësues të trupit diplomatik në Tiranë, ka folur për luftën mes Rusisë dhe Ukrainës. Kim është shprehur se sulmi dhe pushtimi i Ukrainës nga Rusia përbën një rrezik për të gjithë.

Gjithashtu ambasadorja ka shprehur vlerësimin e saj  për rolin e Shqipërisë në Këshillin e Sigurimit si dhe ka dhënë mesazhin se SHBA është me popullin e Ukrainës në këto momente sfide historike për të.

“Faleminderit, Ministre e Jashtme, për ftesën për të gjithë ne në këtë diskutim të rëndësishëm. Teksa shikoj rreth tryezës, po përpiqem të dalloj se çfarë na bën të gjithëve së bashku. Shumë nga ne janë anëtarë të NATO-s. Shumë nga ne janë anëtarë të BE-së. Disa nga ne aspirojnë të bëhen pjesë e BE-së. Por të gjithë ne sigurisht e pranojnë që jemi në një moment historik.

Që kërcënimi, sulmi dhe pushtimi i Ukrainës nga Rusia përbën një kërcënim për të gjithë ne dhe për sistemin ndërkombëtar që ne dhe paraardhësit tanë kemi punuar për dekada për ta ndërtuar nga rrënojat e Luftës së Parë Botërore dhe Luftës së Dytë Botërore. Gjithashtu është shumë e qartë se në kryeqytetet tona ne po i përgjigjemi këtij momenti. Po ngrihemi në lartësinë e këtij momenti në mënyra që nuk i kishim pritur.

Dhe mendoj se jemi të gjithë të befasuar me veten për shpejtësinë, vendosmërinë, këmbënguljen, seriozitetin dhe sakrificën; kjo nuk vjen pa sakrifica me mënyrën se si ne po i përgjigjemi, duke i dalë në mbrojtje Ukrainës, por edhe duke dalë në mbrojtje të mënyrës sonë të jetesës. Ju shpreh vlerësimin e SHBA-ve për rolin e Shqipërisë në Këshillin e Sigurimit si bashkëpenëmbajtëse jona për çështjen e Ukrainës, shpreh vlerësimin për të gjithë ju, për bashkëpunimin dhe kontributin tuaj.

Dhe përsëri e kuptojmë se bashkëpunimi dhe kontributi juaj, duke përfshirë edhe ndihmën humanitare apo ndihmën në fushën e mbrojtjes apo sanksionet nuk janë pa kosto. Por besoj se të gjithë jemi në një mendje se ia vlen. Në fund, sigurisht nënvizojmë solidaritetin tonë të plotë me Ukrainën dhe popullin e Ukrainës në këto momente të kësaj sfide historike. Ne jemi me ju. Ne do të vazhdojmë të jemi me ju“, ka thënë Kim.

LEAVE A REPLY

Please enter your comment!
Please enter your name here