Home AKTUALITET Zbardhen përgjimet e Elsa Lilës dhe detyrat që kishte në trafikun e...

Zbardhen përgjimet e Elsa Lilës dhe detyrat që kishte në trafikun e drogës

1095
0

Ditën e djeshme u njoftua se policia italiane gjatë një operacioni kundër një bande që merrej me trafikun e drogës ka arrestuar edhe këngëtaren e njohur Elsa Lila. Sipas mediave italiane dhe hetuesve, këngëtarja shqiptare ka qenë “kujdestarja e të ardhurave të paligjshme të grupit duke mbajtur të ashtuquajturin libër kontabël dhe i ka siguruar disponueshmërisë ‘Rindit’ në fazën përfundimtare të hetimit, për t’iu shmangur kontrolleve të policisë”. Elsa Lila i kishte thënë “Rindit” i cili besohet të jetë kreu i grupit të shkonte në shtëpinë e tij në San Lorenzo ndërsa ajo ishte me pushime me partnerin e saj. Mediat italiane shkruajnë se Lila, ishte ajo që mbante “kutinë e babagjyshit”, duke nënkuptuar këtu arkën me para që fitohej nga rrjeti. Ajo e këshillonte shpesh ‘Rindin’ edhe se si të shmangte çeqet nëse ishte e nevojshme, jepte mbështetje dhe sugjerime të dobishme: 

Si në Shqipëri, edhe këtu kemi nevojë për një mik një lidhje me shtetin, se të shpëton. Çfarëdo që të qeverisë, duhet ta gjesh. Edhe këtu shiten shumë.

Gjatë hetimeve u sekuestruan gjithsej 5 kilogramë kokainë, 43 kilogramë marijuanë dhe 82 kilogramë hashash. Ndërsa më 30 janar 2019, një romak u arrestua pasi kishte blerë gjysmë kilogrami kokainë. Droga i ishte shitur nga ‘Titi’ dhe ‘Cesk’ me porosi te ‘Rindit’ dhe ‘Qorrit’.

Telefonat celularë të koduar

Partneriteti i ‘Rindit’ dhe ‘Qorrit’ ka pasur edhe disponueshmërinë e një sërë celularësh të koduar. Disa përdorën BQ Aquaris, të tjerë Nokia Android One. Të dyja me sisteme operative klandestine, në ekranin e të cilëve dukeshin fjalët “kjo pajisje menaxhohet nga organizata juaj”. Element i cili sipas akuzës vërteton praninë e “bandës kriminale”. Për të përditësuar softuerin që garantonte anonimitetin, ishte e nevojshme të jepeshin 1500 euro çdo gjashtë muaj.

‘Titi’, i përgjuar në një situatë mjedisore teksa flet me një shok, vlerëson cilësitë e tij: 

Unë paguaj 1500 euro çdo gjashtë muaj, si një kontratë. Por nëse e hapin, duhet bëjnë një burg të ri në Romë. 

Një fjali që sipas hetuesve do të dëshmonte sesi grupi kishte kontakte dhe përfshinte njerëz të kalibrit të botës së krimit romak. Nga ana tjetër emrat që janë bërë të pa hetuar në këtë hetim janë të njohur për policinë, si Michele Senese , Elvis Demce dhe Arbe Zogu i njohur si ‘Riccardino’ dhe Leandro Bennato. Nëntë të arrestuarit, për arsye të ndryshme, akuzohen për “organizatë kriminale me qëllim trafikun e lëndëve narkotike dhe transferimin e mbajtjen me qëllim trafikimin e lëndëve narkotike si kokainë, hashash dhe marihuanë”.

“Si në Shqipëri edhe këtu kemi nevojë për shtetin”/ Zbardhen përgjimet e Elsa Lilës dhe detyrat që kishte në trafikun e drogës

LEAVE A REPLY

Please enter your comment!
Please enter your name here